اسپین میں آتش بازی کے نتیجے میں5افراد ہلاک

مہر خبررساں ایجنسی نے غیر ملکی ذرائع کے حوالے سے نقل کیا ہے کہ اسپین میں آتش بازی کا سامان بنانےوالی فیکٹری میں دھماکے کے نتیجے میں5افراد ہلاک اور 6زخمی ہوگئے ہیں۔حکام کے مطابق شمال مشرقی اسپین کے شہر سرقسطہ میں ماچس اور آتش بازی کا سامان بنانے والی فیکٹری میں اچانک دھماکہ ہو گیا۔ جس کے بعد آگ لگ گئی اور دھویں کے بادل فضا میں بلند ہوتے نظر آئے۔ دھماکہ اتنا شدید تھا کہ اس کی آواز دور دور تک سنی گئی۔ فائر بریگیڈ حکام کے مطابق دھماکے میں 5افراد ہلاک اور 6 زخمی ہو گئے ہیں۔ جنہیں اسپتال منتقل کردیا گیا ہے ۔ جہاں 2زخمیوں کی حالت تشویشناک بتائی جاتی ہے۔